Sputnik Кыргызстан агенттиги жаныбарлардын жүктөлүп жаткан учурунан тартылган кадрларды сунуштайт.
Жандыктардын ар бири ветеринардык кароодон өткөрүлүп, эмделип, чип коюлган эл аралык паспорт берилди. Аларды Кыргызстандын Салбуурун федерациясынын баш катчысы жана Этнофестивалдын куратору Елена Соклакова менен бир ветеринар гана коштоп кетти. Ээлери 2-марттан тарта сапарга чыгышат, жаныбарларды ага чейин барган кыргызстандыктар карап турушмакчы.
Эскерте кетсек, Camel Fest фестивалы 9-мартта башталып 23үнө чейин созулат. Анда 98 мамлекеттин өкүлдөрү маданият жана спорт жаатында талантын көрсөтөт. Ага катышууга кыргызстандыктарга эң көп — 2000дей квота бөлүнсө, башка мамлекеттерге 15-20дай адамга чакыруу жиберилген. Ал жактан "Көчмөндөр ааламы" деп аталган этнофестивалын көрсөтүшөт. Кыргызстандыктар үчүн Сауд Аравияда 15 гектар жер берилип, ипподром, этнобазар жана көчмөндөр айылы курулат. Ошондой эле катышуучулардын тамак-ашы, жаткан жери, мал-жаны багылуу болот. Кеткен чыгымдын баарын уюштуруучулар көтөрмөкчү.