БИШКЕК, 27-фев. — Sputnik. Нарын облусунда болгон жол кырсыгында үч адам каза болду. Бул тууралуу облустук милициянын жол кыймылынын коопсуздугун камсыздоо башкармалыгынан билдиришти.
Кырсык 26-февраль күнү Орто-Нура айылында болду. Анда жүк ташуучу Mercedes-Benz Sprinter менен Audi үлгүсүндөгү жеңил унаа сүзүшкөн.
Каргашанын кесепетинен эки адам ошол жерден мүрт кетип, бири ооруканада көз жумду. Дагы үч адам жабыркап, ооруканага жеткирилди.
Окуянын чоо-жайы иликтенип жатат.