БИШКЕК, 26-фев. — Sputnik. Бишкек шаарында жаратылыш кырсыктарынын алдын алуу боюнча иштер аткарылып жатканын мэриянын маалымат кызматы билдирди.
Ага ылайык, борбор калаанын Свердлов районунда калк арасында түшүндүрүү иштери жүргүзүлүүдө.
"2019-жылдын январынан тарта азыркы кезге чейин Свердлов районунун жарандык коргоо бөлүмү аймактагы тургундарды жаратылыш жана техногендик мүнөздөгү коркунучтардан коргоо жана турак жайларда өрт чыгышынын алдын алуу боюнча иштерди жүргүзүп келет", — деп айтылат маалыматта.
Ошондой эле бала бакчаларда, мектептерде, үй-бүлөлүк дарыгерлер борборлорунда жана жашоочулар арасында инструктаж, лекция өтүлгөн.
Мэрия шаар тургундарын "турак жайды өрттөн, жаратылыш кырсыктарынан милдеттүү камсыздандыруу жөнүндөгү" мыйзамды сактоого чакырат.