Аймактык биринчилик үч жыл катары менен өтүп жатат. Бул ирет мелдешке биринчи жолу Франциядан келген кыздар командасы катышты. Коноктордон сырткары турнирге алты команда кирди.
Биринчи орунду мурдагы эки чемпионаттын жеңүүчүсү, "Биримдик" командасы утуп кетти. Экинчини "Кабылан" алды. Ал эми коноктор үчүнчү орун үчүн ат салышуудан баш тартып койгондуктан "Улар" командасы жеңүүчү аталып калды.
Суперфиналда "Биримдик" француздар менен ойноп 6:4 эсебинде жеңилип калды.
Кийинки чемпионатты ушул эле райондо бир жылдан кийин өткөрүү пландалды.
Хорсбол — Франциядагы спорттун түрү. Анда баскетбол менен регбинин элементтери камтылган. Болгону оюн ат үстүндө ойнолот. Атаандашынын алкакчасына көп топ таштаган команда жеңишке жетет. Ар бир командада төрттөн киши болуп, 10 мүнөттөн эки тайм ойношот.