БИШКЕК, 23-фев. — Sputnik. Ата Мекенди коргоо күнүнө карата "Ак-Кула" ат майданында көк бөрү боюнча жолдоштук беттештин биринчи жеңүүчүсү аныкталды.
Алгачкылардан болуп өкмөт менен Жаштар иши, дене тарбия жана спорт агенттиги беттешти.
Оюндун биринчи бөлүгүндө 3:2 эсеби менен Спорт агенттиги алдыга чыкты. Экинчи бөлүктө эсеп саны өзгөргөнү менен өкмөт озуп кете алган жок, 5:3 эсеп менен соңуна чыкты. Бирок үчүнчү таймда өкмөт мүчөлөрү катуу чабуулга өтүп, 6:5 эсебинде жеңип алды.
Мындан кийин Жогорку Кеңештин депутаттары менен журналисттер беттешет. Андан жеңген команда өкмөт менен финалда баш байге үчүн ойнойт.
Жаштар иши, дене тарбия жана спорт агенттигинин командасы:
- Нияз Курманкулов;
- Тилек Урмамбетов;
- Алтынбек Исеналиев;
- Мыктыбек Туташев;
- Алмаз Парпубаев;
- Рамис Жунушалиев;
- Кубатбек Аскарбеков;
- Токтобек Карымшаков;
- Акылбек Жумабаев;
- Жыргалбек Саматов;
- Талас Бегалиев.
Өкмөттүн командасы:
- Кубатбек Боронов — биринчи вице-премьер, команданын капитаны;
- Замирбек Аскаров — вице-премьер;
- Нурбек Мурашев — айыл чарба, тамак-аш өнөр жайы жана мелиорация министри;
- Искендер Кадыркулов — "Түндүкэлектр" ААКнын башкы директору;
- Улукбек Марипов — Эсеп палатасынын төрагасы;
- Курсан Асанов — ички иштер министринин орун басары;
- Мырза Жаманбаев — Өнөр жай, энергетика жана жер казынасын пайдалануу мамлекеттик комитетинин алдындыгы борбордук лабораториянын директору;
- Максатбек ажы Токтомушев — Кыргызстандын муфтийи;
- Акылбек Эшимов — Шайлоо жана референдум өткөрүү боюнча борбордук комиссиясынын төрагасынын орун басары;
- Улан Насакеев — Кавалерия взводунун командири
- Алтынбек Искеналиев — Бишкек шаардык полкунун кайгуул кызматынын командиринин орун басары;
- Улукбек Календеров — Юстиция министрлигинин өкүлү.