Саналуу жылдар калдыбы? Окумуштуулар акыр замандын качан болорун айтты

БИШКЕК, 23-фев. — Sputnik. Адамзат Жердин космостук башка телолор менен кагышынан, анын кесепетинен болгон кырсыктардан улам каза болушу мүмкүн. Бул ЖМК же голливуд сценаристтеринин фантазиясы эмес, окумуштуулардын божомолу. Бул туурасында РИА Новости жазды.

2036

2007-жылдын октябрында Пенза облусундагы айылдын жашоочулары акыр заманды күтүп, үңкүргө жашынып калган. Алар 2008-жылы Жер комета менен кагышып, жок болот дешкен. Бактыга жараша, андай болбогондуктан пензалыктар баш калкалаган жеринен айылына кайтып келишкен.

Акыр заман туурасында ар кыл диндерде да айтылып келет. Христиандагылар 1000 жана 2000-жыл дешсе, майя календарында 2012-жыл деп айтылган.

Жер менен үч футбол талаасындай көлөмдөгү астероид кагышат дешти

18 Үчтүн айы 2019, 11:49

Адатта кооптуулук асмандан келери айтылган. Баарынан көбү Апофис астероиди болду. Астероиддин 2029-жылдын 13-апрелинде Жердин борборуна 38 миң чакырым жакын келери болжолдонгон. Ал сапарда зыянын тийгизбей кайтып кетсе, 2036-жылы планета жашоочуларынын башына мүшкүл алып келет дешүүдө. 325 метрлик Апофис 2004-жылы табылган.

М.В.Келдыш атындагы прикладдык математика институту жана Н.Э.Бауман атындагы Москва мамлекеттик техникалык университети Апофис менен 2036-жылкы кагылышуу кайда болорун болжолдошту. Ал Россиянын Ыраакы Чыгышы, Борбордук Америка өлкөлөрү жана батыш Африка аймагы тобокелге туш келери болжолдонду.

2026

Жарым кылым мурда америкалык математик Хайнц фон Ферстер жана анын кесиптештери Science журналына кооптуу мезгил 2026-жылдын 13-ноябры дешти.

В 1975-жылы немец астрофизиги Себастьян фон Хорнер адамдын ишмердүүлүгүнө байланышкан башка чен өлчөмдөрдү иликтеген. Анын пикиринде, адамзат үчүн чоң сыноо 2020, 2050-жылдары болот деген. Бул учурда Жерде адамзат ушунчалык көбөйгөндүктөн, өзүн-өзү тойгуза албай калат экен. Өндүрүштүк калдыктардан улам планета ысып кетет. Ал эми америкалык окумуштуулар анын формулаларын салыштырып көрүп, акыркы күндөр 2300-2400-жылдарга туура келет дешти.

XXI кылым

Европадагы эң бийик жанар тоо козголду. Видео

16 Бирдин айы 2019, 19:51

В 1972-жылы Рим клубу — окумуштуулардын, интеллектуалдардын, футурологдордун тобу цивилизациянын өнүгүшү боюнча доклад жасаган. Авторлор элдин санынын көбөйүшүн, индустрияны, колдонулган ресурстарды, экологиянын бузулушун карап көрүп, XXI кылым кыйроонун мезгили болот дешкен. Анткен менен адамзат айлана-чөйрөгө мамилесин өзгөртсө, алаамат кыйгап өтөрү айтылган.

1980-жылдары бир канча математик чогулуп, адамдын канча жашарын билүү менен анын келечегин айтууга болорун билдирген. Бул акыр заман деп аталган. Окумуштуулардын айтымында, адам баласы кандайдыр бир процесске көз салууну ойлонсо, көзөмөлдөөнү ошол процесстин орто ченинде баштайт. Демек, цивилизация учурда аягында да, башында да эмес, ортосунда. Ал эми колдо дагы бир нече жүздөгөн же болбосо бир нече миңдеген жылдар бар.

Футуролог Алексей Турчин өзүнүн китебинде акыр заман XXI кылымда болорун айткан жайы да бар.