Буга чейин Куралдуу күчтөрүнүн бардык түзүмдөрүнүн өзүнө тиешелүү датасы болгон. Бул тууралуу Алмазбек Карасартов Sputnik Кыргызстан радиосунун таңкы эфиринде маек куруп жатып билдирди.
Анын айтымында, 2014-жылы Генералдык штаб түзүлгөндөн кийин армия маселелерин чечүү ыкчамдады.
"Генералдык штаб жетекчисинин 2018-жылдын 15-январындагы буйругуна ылайык, 1-февраль кургактагы аскерлер күнү болуп бекитилген. Буга чейин ооруктагы, артиллеристтердин, танкисттердин, Абадан коргонуу күчтөрүнүн, бардык түзүмдөрдүн өзүнүн белгилей турчу күнү болгон. Бир гана биздики жок эле. Кыргыз армиясы башынан чоң сыноолорду өткөрдү, ал сыноолордон татыктуу өттүк. 2014-жылы Генералдык штаб түзүлдү. Штабдын түзүлүшү менен күч түзүмдөрүндөгү көйгөйлөрдү чечүү ыкчамдады, күч түзүмдөрү бирдиктүү башкарууга өттү", — деди Карасартов.
Ошондой эле ал өлкөнүн Куралдуу күчтөрү замандын талаптарына жооп берерин айтып, мобилдүү, ыкчам армия бар экендигин кошумчалады.