Москвада жол четиндеги элди койдуруп алган Чыңгыз Анарбек улуу окуядан кийин жаалданган эл өлтүрүп салбасын деп коркуп, унаадан түшө качууга аргасыз болгон. Бул туурасында ал Sputnik Кыргызстан агенттигине маек берип жатып билдирди.
Кыргызстандык таксист өткөн жылдын октябрь айында Москванын Тверь райондук соту тарабынан 1,6 жылга кара жумушка кесилип, Смоленск облусуна жиберилген.
Чыңгыз башында жакшы ой менен эле жаракат алгандарга жардам берүү ниетинде болгонун айтып берди.
"Мен унаадан түшкөнчө эле топтошкон балдар келип ура баштады. "Токтогула, токтогула" десем да болбой сабап жатышты. Ары жакты карасам, дагы бир тобу чуркап келе жатыптыр. Алар мени өлтүрүп деле коюшмак. Спорт менен машыккан үчүн коргонууга бир аз күчүм жетти. Коркуп качууга аракет кылдым. Анда да кармап, жерге жаткырып төпөштөп жатканда полиция келип мени алып кетти", — деди Анарбек уулу.
Ошондой эле ал кырсыктын кесепетинен адамдарды өлтүрүп алдым деп үч күн тынчсызданып жүргөнүн белгилелди.
Чыңгыз Анарбек уулу менен болгон маекти толугу менен бул шилтемеден окуй аласыз.