Балдар билимди интернеттен канча алса да баары бир китептен окуганга жетпейт. Интернеттеги маалыматтар бүгүн бар, эртең жок. Бул тууралуу Уланбек Мамбетакунов Sputnik Кыргызстан радиосунун таңкы эфиринде маек куруп жатып билдирди.
Анын айтымында, мындай кырдаалдын жаралышына ата-энелер да тынчсызданып келет.
"Интернеттен алган маалымат бүгүн бар болсо, эртең жок. Ата-энелер да бул нерсенин көйгөй экенин айтып келет. Баары бир китепти ачып, барактап отурганга эч нерсе жетпейт. Анын үстүнө электрондук китептерди окуу көзгө да зыян. Эгер китептер жетишсиз же эски болуп турса, интернеттен окуса болот. Учурда мурунку кездерге салыштырмалуу жаңы китептер арбын, алар эмгекти талап кылып жазылат. Андыктан окумуштуулардын даярдаган китептерине басым жасаган туура. Ал эми интернеттеги маалыматтардын баарына эле ишенүүгө болбойт", — деди Мамбетакунов.
Ал интернет аркылуу соода жүргүзгөн карталарга көп акча сактабаш керектигин кошумчалады.