Европадагы эң бийик Этна жанар тоосу Сицилиянын чыгышында жайгашкан. Ал деңиз деңгээлинен 3295 метр бийиктикте орун алган.
Ал акыркы жолу өткөн жылдын декабрь айында козголуп, анын артынан жер титирөө болуп бир нече имарат жабыркаган. Ошондой эле калк жашаган жакынкы аймактарга күлү түшүп, тургундар убактылуу турак жайларын таштаган.
Өткөн жылдын март айында окумуштуулар Этна вулканы жылына 14 миллиметрдей Жер Ортолук деңизин көздөй жылып, 1-3 градус эңкейип жаткандыгын кабарлаган. Муну алар вулкандын жайгашкан жери жумшак болгондугу менен түшүндүргөн.
Дүйнөнүн башка бөлүктөрүндө жүргүзүлгөн геологиялык изилдөөлөр мындай кубулуштардын кесепети оор боло тургандыгын көрсөтүүдө. Мисалы, жанар тоолорунун этектеринде жер көчкү жүрүшү мүмкүн.