БИШКЕК, 11-фев. — Sputnik. Childish Gambino' аттуу рэпердин This is America чыгармасы "Жылдын мыкты ыры" деп табылып "Грэмми" сыйлыгына татыды. Жеңүүчүлөрдү сыйлоо аземи Лос-Анджелесте өтүп CBS телеканалы аркылуу көрсөтүлдү.
"Жылдын мыкты ыры" номинациясына All the Stаrs, Boo'd Up, God's Plan, In My Blood, The Joke, The Middle жана Shallow ырлары да көрсөтүлгөн.
This is America ыры "Мыкты музыкалык видео" жана "Мыкты рэп/снаг-аткаруучу" деп табылган.
Актер жана аткаруучу Дональд Гловер музыканы Childish Gambino деген лакап ат менен жазат. Ал "Грэмми" сыйлыгын уюштуруучулардын иш-чарага келип ырдап берүү сунушунан баш тартып, сыйлык тапшыруу аземине келген эмес. Сыйлыкты алуу үчүн сахнага чыгарманын продюсери жана монтаждагандар чыгышкан.