БИШКЕК, 9-фев — Sputnik. 10-февралда өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Маалыматка ылайык, абанын температурасы Чүй жана Талас өрөөндөрүндө -3…+2 градус, Ысык-Көл аймагында -1…-6, Нарын жергесинде -4…-9 градус суук болот.
Ош, Жалал-Абад жана Баткен облустарында абанын температурасы +3...+8 градуска чейин көтөрүлүшү мүмкүн.
Ал эми Ош жана Бишкек шаарларында жаан-чачын күтүлбөйт. Күндүн табы Ош шаарында +6...+8, Бишкек шаарында 0...+2 градус жылуу болору болжолдонду.