БИШКЕК, 6-фев. — Sputnik. Ош облусунунун Чоң-Алай районундагы Сары-Таш — Дароот-Коргон — Карамык унаа жолунда эки ирет кар көчкү түшүп, натыйжада Daewoo Matiz унаасын басып калган. Бул туурасында ӨКМден билдиришти.
Маалыматка ылайык, окуя 5-февраль күнү саат 18:40та жана 19:34тө болгон.
Жерине ӨКМдин кызматкерлери жана карды тазалоо үчүн тиешелүү техника тартылган.
Унаанын ичиндеги эки адам куткарылып, учурда абалы туруктуу экендиги айтылат. Алар өз машинасы менен жолун улантышкан.