Кыязы бул - кыштын бизге тартуулаган соңку кооздуктарынын бири. Себеби бир айдан кийин жаз кылтыят. Февралдын таңкы карында көптөр адатынча ишке шашса, дагы бирөөлөр жайбаракат басып, жаратылышка суктанганын көрүүгө болот.
Анткен менен кардын жаашы көңүлдү тынч кылбаган кызматтар бар. Алардын бири — муниципалдык "Тазалык" кызматы. Алар ишке таңдан тарта чыкты.
Кыргызгидромет мындай аба ырайы дагы бир нече күнгө созуларын кабарлады.