БИШКЕК, 5-фев. — Sputnik. Президент Сооронбай Жээнбеков Кытай төрагасы Си Цзиньпинди Жаз майрамы менен куттуктап, эки тараптуу мамиле болуп көрбөгөндөй деңгээлге жеткенин айтты. Бул туурасында президенттин маалымат кызматынан кабарлашты.
"Кыргыз-кытай мамилелери негизинен сиздин жеке аракетиңиздин натыйжасында өстү. Достук, теңдик жана өз ара пайдалуу кызматташуунун үлгүсү болгондугун айта кетүү маанилүү. Белгилеп кетсек, 2018-жылы Кыргызстан менен Кытай эки тараптуу кызматташтыкты жаңы деңгээлге кѳтѳрүп, ал ар тараптуу стратегиялык өнөктөштүккѳ жетти", — деген Жээнбеков.
Президент Кыргызстан менен Кытайдын ортосундагы мамилелердин өнүгүүсүнө Си Цзиньпиндин жеке кѳңүл бургандыгына ыраазычылыгын билдирген.
Ал Си Цзиньпинге бекем ден соолук, бакубатчылык, мамлекеттик ишинде ийгиликтерди, ал эми Кытай элине — тынчтык жана гүлдөп-өсүүнү каалаган.