БИШКЕК, 5-фев. — Sputnik. 5-февралдан 7-февралга чейин жаап өткөн жана күтүлүп жаткан жаан-чачынга байланыштуу ӨКМ айдоочулар менен сапарга чыкчулар үчүн билдирүү таратты.
Маалыматта тоолуу райондордо кар көчкү түшүп, күрткү болору айтылат.
"Көчкү Төө-Ашууда, Ала-Бел, Чапчыма ашууларында, Чычкан капчыгайында, Мырзаке — Кара-Кулжа — Алайкуу жолунда, Кара-Көө ашуусунда түшүүсү күтүлүп жатат. Жолдор тайгак болуп, муз тоңот", — деп айтылат билдирүүдө.
Министрлик унаалар арасындагы 500 метрлик аралык сакталышы зарыл экенин эскертет.