БИШКЕК, 5-фев. — Sputnik. Эл аралык "Манас" аэропорту кадимки тартипте, өз нугунда ишин улантканын аба майдандын маалымат катчысы Алия Курбанова билдирди.
Ага ылайык, аэропорт саат 17:40та ишин жанданткан.
Бомба тууралуу билдирүү аэропортко саат 14:41де келип түшкөн, саат 15:09да УКМКга кабар берилген.
УКМК аэропорттун аймагынан эч кандай жарылуучу зат тапкан жок. Атайын кызматтар "телефон террорчусу" менен ага тиешеси барларды издөөнү улантат.