БИШКЕК, 3-фев. — Sputnik. Кыргызстандын футбол боюнча курама командасынын жана "Дордой" клубунун жарым коргоочусу Ислам Шамшиевге Мосвкадан операция жасалат. Бул тууралуу аталган клубдан кабарлашты.
Оюнчу 2018-жылдын соңунда тизесинен катуу жаракат алып, мындан улам Азия кубогуна катышпай калган.
Медициналык текшерүү футболчунун жаракаты олуттуу экенин тастыктаган. Натыйжада клуб аны Москвадагы хирургиялык клиникага жиберүү чечимин кабыл алган.
Шамшиев дарыланууга 31-январь күнү жөнөп кеткен. Дарылануунун жыйынтыгы тууралуу маалымат берилери айтылды.