БИШКЕК, 3-фев. — Sputnik. Улуу Британиянын ханышасы Елизавета II жана анын үй-бүлөсү Brexit окуясынан улам башаламандык болуп кетсе, эвакуацияланышы мүмкүн. Бул туурасында Times өзүнүн маалымат булагына таянып жазды.
Басылма ханышаны коопсуз жайга көчүрүү планы кансыз согуш мезгилинен, СССР Улуу Британияга сокку урушу мүмкүн деген кооптонуудан бери келе жаткандыгын жазган. Маселе кайрадан Улуу Британиянын Евробиримдиктен макулдуксуз чыгышы боюнча маселе көтөрүлгөндөн кийин актуалдуу боло баштады.
Улуу Британия Евробиримдиктен эки айда, тагыраагы, 2019-жылдын 29-мартына чейин чыгышы керек. Анткен менен парламент да, өкмөт да ЕБден чыгуу шарты боюнча макулдаша элек. Ал эми аталган уюм Лондон менен андан аркы сүйлөшүүлөрдөн баш тарткан.
2016-жылдын июнь айынын соңунда Улуу Британия Евробиримдиктен чыгуу үчүн добуш берип, бирок Шотландия уюмда калуу чечимин билдирген. Мындан кийин премьер-министр Дэвид Кэмерон кызматынан кетүүгө аргасыз болгон.