Коомчулукка Тайсон каймана аты менен таанымал спортчу Канат Келдибеков ACA (Ахмат абсолюттук чемпионаты — ред.) турниринин көз караштар таймашы иш-чарасында атаандашы Хусейн Шайхаев менен жолукту. Бул туурасында уюмдун расмий YouTube каналында жүктөлгөн.
Мушкерлер 26-январда Чеченстандын Грозный шаарында 61 килограмм салмакта беттеш өткөрөт.
Эске сала кетсек, Келдибеков Ахмат уюмунун турнирине даярдануу үчүн Махачкаладан даярданып жатканын билдирген.
"Атаандашым ММА боюнча алты турнирдин жеңүүчүсү жана өз өлкөсүндө таанымал. Андыктан мыкты даярданып, мекенимдин намысын коргошум керек", — деген спортчу.
Sputnik жакында эле "Тайсондун" үй-бүлөсү жана жашоосу тууралуу видеоматериал даярдаган. Анда спортчу 6 жаштагы уулун дарылоого жардам сураган.