БИШКЕК, 26-янв. — Sputnik. Бириккен Араб Эмирлигинин футбол боюнча курама командасы чейрек финалда Австралиянын спортчулары менен кез келген.
Мелдештеги жалгыз голду 68-мүнөттө Али Ахмед Мабхут киргизген.
БАЭ командасы австралиялыктар менен ойноо үчүн 1/8 финалда Кыргызстанды 3:2 упай эсебинде уткан.
Эми БАЭ командасы жарым финалда 29-январда Катардын футболчулары менен ойнойт. Жарым финалдын экинчи беттешинде ирандыктар Япониянын командасы менен кездешет.