БИШКЕК, 25-янв. — Sputnik. Жалал-Абад шаарында Hyundai Porter үлгүсүндөгү автоунаа окуучуну коюп кеткенин облустук милициянын маалымат кызматы билдирди.
Ага ылайык, жол кырсыгы 24-январда болжол менен 18:15тер чамасында Пушкин көчөсүндө болгон.
"12 жаштагы баланы 24 жаштагы коңшусу коюп кеткен. Жол кырсыгынан кийин баланы ооруканага өзү жеткирген. Тактай келгенде алардын бир көчөдө жашаганы анык болду", — деп айтылат маалыматта.
Өспүрүм алган жаракатынан эсине келбеген бойдон ооруканада үзүлгөн. Учурда тийиштүү экспертизалар дайындалып, автоунаа айып короого токтотулду.