БИШКЕК, 25-янв. — Sputnik. Чүй облустук ички иштер башкармалыгы Чу дарыясынан сөөгү табылган кишинин ким экенин тактоого жардам сурап элге кайрылды.
Маалыматта Бишкек — Нарын — Торугарт жолунун Красная Речка айылынан өткөн суудан болжол менен 30-35 жаштагы азиат түспөлүндөгү эркек кишинин сөөгү табылганы айтылат.
Өзгөчө белгилери:
Арык чырай, бою 165-170 см. Күңүрт көк түстөгү спорттук шымында Adidas деген жазуусу жана үч катар ак сызыгы бар. Күңүрт көк түстөгү кофтасында Puma деген жазуу түшүрүлгөн, кызыл жакалуу көк футболка кийип жүргөн.
Эгер маркумду таанып-билгендер болсо, Ысык-Ата райондук милицияга кайрылып же төмөнкү номерлер аркылуу байланышууну өтүнөт: 0 (312) 61-69-07, 0 (701) 88-62-95, 0(707) 25-79-02 же 102 кызматына кабарласа болот.