Маалымат булактын YouTube каналындагы видеосуна караганда, канайым ооруканага барып, кулагы укпаган наристеге угузуучу аппарат белек кылат.
Кадрларда көрүнүп тургандай, бала алгач камера жана чоочун кишилерден тартынып туруп, биринчи айым ага угуучу аппаратты кийгизген соң айланадагылардын үнүн угуп, жылмая баштайт.
Баса, 43 жаштагы Асма аль-Асад эмчек рагына чалдыкканын 2018-жылдын август айында билген.
Оорусу жаңы башталганда билинген. Учурда биринчи айым Сирияда дарыланууда.
Асма аль-Асад 1975-жылы Лондон шаарында туулган. Европадан билим алган соң банк сиситемасында эмгектенген. Сирияга 2000-жылдардын башында барып, Башар Асадга турмушка чыккан. Асма аль-Асад Сирияда согуш чыкканда жолдошун таштабай, тынч жакка кетүүдөн баш тарткан.