БИШКЕК, 21-янв. — Sputnik.Мурат Осмонов Свердлов районунун башчысы болуп дайындалды. Бул тууралуу мэриядан билдиришти.
Тийиштүү буйрукка бүгүн, 21-январда, борбор калаанын мэри Азиз Суракматов кол койду.
"Мурат Осмонов кесиби боюнча физик-инженер, юриспруденция боюнча дагы билими бар. Буга чейин Сокулук райондук мамлекеттик администрациясынын аппаратынын жетекчиси болгон", — деп айтылат маалыматта.
Ал эми Свердлов районунун мурдагы акими Самарбек Болотбеков башка ишке которулгандыгына байланыштуу кызматтан кетүү боюнча арыз жазган.