БИШКЕК, 18-янв. — Sputnik. Бишкектин көчөлөрүндө Marvel комиксинин Spiderman каарманынын костюмун кийген киши жүрөт. Бул тууралуу Sputnik Кыргызстан агенттигине күбө билдирди.
Анын айтымында, сүрөт бүгүн, 18-январда, тартылган.
"Ал Чүй проспектисинин 7-Апрелден Ибраимовго чейинки бөлүгүндө жүрдү. Аябай тез басып баратты. Айланадагы адамдар аны таңыркап эле карап жатышты", — деди күбө.
Ал ошондой эле "каармандын" бутуна жөргөмүштүн сүрөтү тартылган кутуча байланганын кошумчалады.