БИШКЕК, 17-янв. — Sputnik. Вице-премьер Жеңиш Разаков Эреже бузуулар кодекси боюнча мас болуп милицияга кармалган айдоочулардын айдоочулук күбөлүгү алынбай турганын Жогорку Кеңештин жыйынында айтты.
Эл өкүлү Исхак Пирматов мас болуп машина айдаган кишилер 17 500 сом айыпты төлөп коюп кайта эле рулга отура берсе болобу деп суроо салган.
"Күнүгө арак ичип, мыйзам бузуп жүрө берсе болот экен да? Ошону өзгөртүү керек. Ар кандай пикирлер айтылды. Менин оюмча, 170 миң сом кылсаңыздар дагы аз. Аны (айдоочуну — авт.) өмүр бою айдоо укугунан ажыратыш керек", — деди Пирматов.
Пирматов ошондой эле өкмөт түкүрүк боюнча артка чегингендей, бул маселеде артка чегинбөө керектигин баса белгиледи.
"Мыйзамды сыйлаш керек да, арак ичтиңби, айдаба, арак ичкиң келип жатабы, машинага отурба", — деди эл өкүлү.
Жаңы эреже боюнча мас айдоочулар кандай жазаланарын макаладан таанышыңыздар.