Россиянын Кыргызстандагы элчиси Андрей Крутько республика Евразиялык экономикалык биримдикке киргенден кийин аталган интеграциялык союздун тышкы чек араларын бекемдөө үчүн РФ финансылык-техникалык жардам бөлө баштагандыгын айтты. Кеп Кыргызстан менен Кытайдын, андан сырткары, Өзбекстан, Тажикстандын чек аралары туурасында болууда.
"Бүгүн Кыргызстандын Чек ара кызматына атайын техникаларды берүүнү аяктайбыз", — деди элчи.
Россиянын транспорт министринин кеңешчиси Михаил Семенов 125 атайын техника коюлганын айтты.
"Алар абдан керектүү, жаңы жана аскердик техникалар", — деди кеңешчи.
Салтанатка катышкан президент Сооронбай Жээнбеков Россия лидери Владимир Путинге ыраазылыгын билдирди.
"Россия бизге чек ара коопсуздугу боюнча эле эмес, башка тармактарга да жардам берип келет. Россия менен болгон стратегиялык өнөктөштүгүбүз биз үчүн кымбат жана баалуу", — деди Жээнбеков.
Үчүнчү этапта Кыргызстанга чек араны кайтаруу үчүн универсалдуу жабдуу тапшырылат. Экинчисинде Кыргызстанга ар кыл жолдордо жүрө алган элди жана жүк ташыган автоунаалар берилди. Андан сырткары, сүйрөөчү автокөлүктөр, жүктөөчү экскаваторлор жана башка түрдөгү техника экендиги айтылды.