БИШКЕК, 11-янв. — Sputnik. Кыргызстандын Футбол федерациясы бүгүн Кыргызстан менен Түштүк Кореянын командалары ойной турган Бириккен Араб Эмирлигиндеги оюн талаанын сүрөтүн жарыялады.
Азия кубогунун алкагында өтө турган оюн бүгүн, 11-январда, Бишкек убактысы боюнча саат 22.00дө башталат.
Көп функционалдуу Hazza Bin Zayed стадиону 2014-жылы ачылган. Ага 25 миң адам батат.
Бул оюн талаасында буга чейин учурдун чемпиону Австралия Иордания менен ойноп 0:1 эсеби менен жеңилип калган. Ал эми Катар 2:0 эсеби менен Ливанды жеңип алган.