Токтогон Алтыбасарова атындагы айылдык китепкана Түп районундагы эң мыкты китепканалардын арасында. Бул тууралуу Марат Абдиев Sputnik Кыргызстан радиосунун эфиринде маек куруп жатып билдирди.
Анын айтымында, ал энесинин ысымы берилген мекемеге байма-бай барып, окуу материалдарын колдонуп турат.
"Өзүм шаарда жашайм. Бирок айылга барган сайын айылдык китепканага баш багып, абалы менен таанышып, окуу куралдарды колдонуп калам. Ал жерден көбүнчө тарыхый китептерди окуганды жакшы көрөм. Тарых боюнча бир топ материалдар бар. Бул мекемеге апамдын ысымы берилгенде апамдын төркүнү 500, биз — балдары 300 китеп белек кылып бергенбиз", — деди Абдиев.
Ошондой эле ал Токтогон Алтыбысарова беш кыз, төрт уулу, 26 небереси бар экендигин кошумчалады.