БИШКЕК, 8-янв. — Sputnik. Эркин күрөш боюнча Кыргызстандын чемпионаты 9-10-январда Каба уулу Кожомкул атындагы спорт сарайында өтөт. Бул тууралуу Жаштар иши, дене тарбия жана спорт агенттиги билдирди.
Ага ылайык, өлкө биринчилигине Кыргызстандын бардык аймактарынан спортчулар катышып, бардык салмак категориялары боюнча күч сынашат.
Эреже боюнча өлкө чемпиону болгондор улуттук курамага кирип, чет жактагы мелдештерде Кыргызстандын намысын коргойт.