БИШКЕК, 5-янв. — Sputnik. Ош облусундагы Кара-Кулжа районунун Алайкуу өрөөнүндө эркек киши жээнин өлтүрүп салган. Бул тууралуу Sputnik Кыргызстан агенттигине Ош облустук милициясынын маалымат кызматы кабарлады.
Билдирүүгө ылайык, окуя 4-январда болуп, туугандар ортосунда пикир келишпестик жаралып, ал бычакташуу менен бүткөн.
Маалым болгондой, 44 жаштагы киши өзүнөн 9 жаш кичүү жээнине бычак уруп өлтүргөн. Экөө жаңжалдашкан учурда соо болчу.
Шектүү кармалып, учурда райондук ички иштер башкармалыгын убактылуу кармоочу жайында.