Орус-кыргыз өнүктүрүү фондусу билим берүү жаатындагы долбоорлорду колдойт, бирок биз үчүн бул тармак приоритеттүү эмес. Бул тууралуу Эркин Асрандиев Sputnik Кыргызстан радиосунун эфиринде маек куруп жатып билдирди.
Анын айтымында, Орус-кыргыз өнүктүрүү фонду өндүрүш, айыл чарба тармагын каржылоого кызыкдар.
"Фонд билим берүү тармагына да насыяларды берет, бирок биз үчүн приоритеттүү тармактар болуп өндүрүш, айыл чарбачылыгы эсептелет. Андыктан билим берүүгө коюлган пайыздар салыштырмалуу жогору жана чектөөлөр бар. Ошондой эле ал мекеме тура турган жерди сатып алыш керек болсо ага да чектөөлөр киргизилген. Негизи эле фонддун ишмердүүлүгүндө кыймылсыз мүлккө насыя берүүдө чектөөлөр коюлган. Анткени биз берген насыялардын максаты — өнүп, өсүп, көбөйүп туруучу ишкерликтин түрүн колдоо. Ал эми кыймылсыз мүлктү каржылап койсок ал элге пайда алып келбей эле колдон колго өтүп жүрө берет", — деди Асрандиев.
Ал сатып алынган кыймылсыз мүлктүн 30 пайызын гана фонд каржылай ала тургандыгын кошумчалады.