БИШКЕК, 2-янв. — Sputnik. Жаңы жылга караган түнү борбордук "Ала-Тоо" аянтында 19 бала жоголуп кетип, кайра табылган. Бул туурасында Бишкек шаардык милициясынан кабарлашты.
Борбордук аянттан табылган балдар флагштоктун жанындагы милициянын пунктуна жеткирилген. Тартип коргоо органдарынын айткандарына караганда, 11 бала аянтка чоңдордун коштоосунда эмес, өз алдынча келип алышкан. Ал эми калган сегиз бөбөк ата-энесинен адашып кеткен. Алардын 7 жаштан 12 жашка чейинки куракта болгону айтылды.
Табылган он тогуз баланын баары түшүндүрүү иштери жүргүзүлгөндөн кийин ата-энесине кайтарылган.