БИШКЕК, 2-янв. — Sputnik. Америкалык Флойд Мэйвезердин кенжеси Instagram баракчасына япониялык кикбоксчу Тенсин Насукаваны утуп, акысына 9 миллион доллар тапканын жазды.
Беттеш 31-декабрда Сайтама (Япония) шаарында өткөн. 41 жаштагы Мэйвезер 20 жаштагы япониялык спортчуну беттештин биринчи раундунда техникалык нокаут менен уткан. Америкалык спортчу атаандашын үч ирет нокдаун кылганга үлгүргөн.
Бокс боюнча өткөн беттеш жолдоштук оюн болгондуктан мушкерлердин рейтингин аныктаган расмий сайтка киргизилбейт. Атаандаштар бокстун кол каптары менен 67,7 килограмм салмакта беттешти. Спортчу мелдеш үч раунд үч мүнөттөн коюлганын айтып берди.
"Мен 9 мүнөттүк спарринг өткөрүп, 9 миллион доллар таптым. Мага муну тогуз мүнөттүк сейилдөө деп атаган жакты", — деп жазган Мэйвезер.
Мэйвезер профессионалдуу рингде 50 беттеш өткөрүп, бардыгын тең жеңген. ЖМКлар Мэйвезер ирландиялык Конор Макгрегор менен өткөргөн беттешинде 300 миллион доллар тапканын жазышкан.