Кеченин башкы беттешинде орточо оор салмакта америкалык Жон Жонс менен швециялык Александер Густафссон чемпиондук наам үчүн кармашып, натыйжада америкалык спортчу техникалык нокаут менен жеңишке ээ болду.
Кеченин дагы бир маанилүү кармашында бразилиялык Аманда Нунис өзүнүн мекендеши, легендарлуу чемпион, 65 килограмм салмактагы Крис Сайборгду биринчи раундда эле нокаутка кетирди. Буга чейин Нунис 61 килограммда чемпион болсо, эми UFCнин тарыхында эки салмак категориясы боюнча мыкты аталды.
Эске салсак, Кыргызстандык мушкер Валентина Шевченко Нуниске эки ирет утулган. Кыргызстандык спортчу бул мелдеште курбусу Сайборгго жан тартарын айткан.
UFC 232 турниринде жалпысынан 13 беттеш өтсө, анын бешөө негизги кард деп эсептелген.