БИШКЕК, 30-дек. — Sputnik. Аймен Касенов Орус-кыргыз өнүктүрүү фондунун башкармалыгынын мүчөлүгүнөн бошотулду. Тиешелүү буйрукка премьер-министр Мухаммедкалый Абылгазиев кол койгонун өкмөттүн маалымат кызматы билдирди.
Бул чечим Орус-кыргыз өнүктүрүү фондунун уставынын 8-беренесине, "Кыргыз Республикасынын Өкмөтү жөнүндө" КР конституциялык мыйзамынын 10 жана 17-беренелерине ылайык кабыл алынган.
Белгилей кетсек, фонддун башкармалыгында беш мүчө бар. Алардын үчөө Кыргызстан тараптан шайланса, экөө Россия тараптан белгиленет.