Китептин баасы кымбат. Жакшы китептердин баасы 160 сомдон 1000 сомго чейин жетет. Бул тууралуу Гүлмира Кушалиева Sputnik Кыргызстан радиосунун эфиринде маек куруп жатып билдирди.
Анын айтымында, айылдык китепканага көбүнесе мектеп окуучулары келип, окуу куралдын өңү-түсү жана ички сүрөттөрүнө көп маани беришет.
"Биздин китепканадан бир катар багыттагы окуу материалдарды тапса болот. Медицина, жаныбарлар дүйнөсү, агрария, саясат, педагогика багытындагы материалдар жана мектеп курагындагыларга багытталган таанып билүү бөлүмдөрү бар. Ал эми өспүрүмдөр биринчи кезекте китептин жасалгалоосу, өңү-түсү жана сүрөттөрүнө көңүл бурат. Азыр кызыктуу, жакшы китептер кымбат. Алардын баасы 160 сомдон башталып 1000 сомго чейин жетет", — деди Кушалиева.
Ошондой эле ал айылдык китепканада 2011-жылдан тартып эмгектене баштагандыгын кошумчалады.