БИШКЕК, 26-дек. — Sputnik. АКШнын президенти Дональд Трамп жети жашар Ллойд Коллмэн менен сүйлөшүп жатып, ага Санта Клауска ишенбей эле коюш керектигин айткан. Бул туурасында РИА Новости Post and Courier басылмасына таянып кабарлады.
Ага мамлекеттин башчысы жана анын жубайы катышып, телефон аркылуу кичинекейлердин суроолоруна жооп берип, маектешет.
Америкалык кичинекей кыздын ошол түз байланыштын алкагында АКШ президенти менен сүйлөшүүгө мүмкүнчүлүгү жаралып калган.
Ал сүйлөшүүнү кыздын ата-энеси видеого тартып алып, YouTube каналына жайгаштырган.
Басылмалар президенттин бул сүйлөшүүдөн кийин тестиердин кыялын, Санта Клауска болгон ишенимин өчүрө албагандыгын жазган.
"Ллойд жана анын бир туугандары менен сөз болгон күнү кечинде майрамдык шаани менен Сантага таттуулар менен шоколад кошулган сүттү калтырып коюшкан. Эртең менен тамак-аш жок калып, анын ордунан Ллойдго арналган куурчакты көрүшкөн", — деп жазды басылма.
Ллойд эгерде Трамп менен дагы бир ирет сүйлөшүүгө мүмкүнчүлүк болсо, анын үй-бүлөсү туурасында сурамактыгын айткан.
"Санта бар, ал жашап эле жүрөт. Мен президенттин балдары бар-жоктугун сурайт элем. Чынын айтсам, алар тууралуу уккан эмесмин. Мага кызык болууда", — деген Сантага болгон ишенимин жоготпогон кичине кыз.
Трамптын баланын кыялын бузган мындай билдирүүсү социалдык тармакта анын мындай кадамын сындаган ар кыл пикирлерди жаратты.