БИШКЕК, 23-дек. — Sputnik. Кыргызгидромет агенттиги алдыдагы апта ичине болгон аба ырайынын божомолун таратты.
23-декабрда кээ бир райондордо кар жаашы күтүлөт. Түнкүсүн жана эртең менен Чүй, Талас, Ош, Баткен, Жалал-Абад облустарынын кээ бир райондорун туман каптайт. Жолдорго муз тоңуп, тайгалак болот. Шамалдын багыты өзгөрүп турат, ылдамдыгы секундасына 1-6 метрге жетет.
Апта аягы жума жана ишемби күндөрү жаан-чачын болбойт, абанын температурасы жогорулай баштайт.
Ош шаарында 23-декабрда жаан-чачын күтүлбөйт, жолдорго муз тоңуп, тайгак болот. Шамалдын багыты өзгөрүп турат, ылдамдыгы секундасына 1-6 метрге жетет. 24-25-декабрларда жаан-чачын күтүлбөйт. Жолдор тайгалак болот, батыштан соккон шамалдын ылдамдыгы 4-9 метрге чейин жетет.
Ал эми борбор калаада 23-25-декабрда жаан-чачын күтүлбөйт. Түнкүсүн жана эртең менен туман түшүшү мүмкүн. Жолдор тоңуп, тайгалак болот. Шамалдын багыты өзгөрүп турат, батыштан соккон шамалдын ылдамдыгы 4-9 метрди түзөт.