БИШКЕК, 13-дек. — Sputnik. Twitter колдонуучусу бет кап кийген жигит кыймыл кайнаган жолдун кесилишинде жерге жатып, туруп спорттук көнүгүү жасап жаткан видеону жайгаштырган.
Видео кечээ кечинде, 12-декабрда, Чүй проспектиси менен Киев көчөсүнүн кесилишинен тартылган. Автоунаанын видеожазгычы Чүй проспектисине, батышты көздөй бурулуп жаткан учурду көрсөткөн.
Алыстан эле так светофордун түбүнө, жөө кишилер өтчү жол чийинде берилип алып машыгып жаткан жигит көзгө урунат.
Анын маңдай жагынан жол чырактын жашыл түскө күйүшүн күтүп турган жеңил автоунаалар менен маршруттук таксини көрүүгө болот.