БИШКЕК, 13-дек. — Sputnik. Премьер-министр Мухаммедкалый Абылгазиев Казакстандын өкмөт башчысы Бакытжан Сагинтаев менен телефон аркылуу сүйлөштү. Бул тууралуу өкмөттүн маалымат кызматынан кабарлашты.
Билдирмеге караганда, сүйлөшүүнүн жүрүшүндө эки тараптуу кызматташтыктын актуалдуу маселелери жана Евразиялык экономикалык биримдиктин алкагында өз ара кызматташуунун келечеги талкууланды.
Ошондой эле премьер-министрлер соода жаатындагы тоскоолдуктарды жоюу маселесин чечүү үчүн эки тараптуу тыгыз кызматташтыкты күчөтүү зарылдыгын белгилешкен.