БИШКЕК, 12-дек. — Sputnik. Бишкекте Subaru Forester автоунаасынын айдоочусу кишини коюп кетип, ал кырсык болгон жерде каза болду. Бул тууралуу шаардык милициядагы ишенимдүү булак билдирди.
Ага ылайык, 40-45 жаштардагы киши жөө кишилер өтүүчү сызыктан кетип баратканда жол кырсыгы болгон.
Subaru Forester машинасы Түштүк магистраль менен батышты көздөй кетип бараткан.
Айдоочу Ысык-Көл облусунун Семеновка айылынын 23 жаштагы тургуну экени аныкталды.
Чогултулган материалдар тергөө бөлүмүнө берилип, машина автоунаа токтотуучу жайга киргизилет.
Кырсык болгон жерде укук коргоо органдары иштеп жатат.