БИШКЕК, 12-дек. — Sputnik. Президент Сооронбай Жээнбеков бүгүн, 12-декабрда, "Ата-Бейит" мемориалдык комплексине барып жазуучу Чыңгыз Айтматовдун бейитине гүл койду. Бул тууралуу өлкө башчынын маалымат кызматы билдирди.
Жазуучуну эскерүүгө Жогорку Кеңештин төрагасы Дастан Жумабеков, премьер-министр Мухаммедкалый Абылгазиев, Жогорку соттун төрайымы Гүлбара Калиева, Чыңгыз Айтматовдун туугандары, достору жана чыгармачылыгына таазим эткендер келишти.
Гүл койгондон кийин куран окулду.
Андан соң Жээнбеков жана аны коштогондор 1937-1938-жылдардагы саясий репрессиянын курмандыктарынын эстелигине, 1916-жылдын курмандыктарынын монументине жана 2010-жылдагы Апрель элдик революциясынын курмандыктарынын мемориалына гүл коюп, куран окутушту.