БИШКЕК, 11-дек. — Sputnik. Борбор калаадагы эл аралык "Манас" аэропортунда абал өзгөргөн жок, коюу туман каптап турат. Бул туурасында аталган аба майдандын маалымат кызматынан кабарлашты.
Бүгүн, 11-декабрда, эртең менен калың туман каптап, төрт учак кошумча аэродромго конгон.
Бишкектен Москва, Грозный, Стамбул, Баткен жана Үрүмчү шаарларына жөнөй турган каттамдарда көйгөй жаралган.
Буга кошумча, Баткенге кетчү каттам эки саат мурда токтотулса, Үрүмчү сапарын эртеңкиге, 12-декабрга, которушкан.