Андан сырткары, глобалдык саламаттыкты сактоо корпорациясы менен болгон кызматташтыктын алкагында дагы 70 миң доза вакцина алынган. Бул тууралуу Чынара Мамбеталиева Sputnik Кыргызстан радиосунун таңкы эфиринде маек куруп жатып билдирди.
Анын айтымында, эмдөөнү мамлекеттик медициналык мекемелерден сырткары жеке менчик клиника, бейтапканалар дагы жүргүзө алат.
"Эмдөө оору менен күрөшүүдөгү эң эффективдүү ыкма болуп эсептелет. Быйыл өлкөгө 149 миң доза вакцина алынды. Алгач алты айдан 14 жашка чейинки балдар, кош бойлуу аялдар, жаш курагы 65тен ашкан карыялар, өпкө, жүрөк кан тамырлары оорулары менен жабыркаган адамдар кезексиз эмделет. Алар "кооптуу топко" кирет. Мындай топто 600 миңден ашуун киши бар. Бардыгына вакцина жетпейт. Бирок кооптонуу кажетсиз, анткени курч респиратордук вирустук оорулар күчөйт деген маалымат жок", — деди Мамбеталиева.
Ошондой эле ал жеке менчик бейтапканаларда, клиникаларда эмдөө акылуу экендигин айтып, ал 500-650 сомдун тегереги экендигин кошумчалады.