Ысык-Көл облусуна караштуу Каракол шаарындагы “Ак-Тилек” базарында өрт чыкканы тууралуу Sputnik Кыргызстан агенттигине күбө билдирди.
Ал ошондой эле WhatsApp-каналы аркылуу окуя болгон жерден видео тартып жиберди.
Ал эми ӨКМ кырсык болгонун ырастап, чакыруу саат 19:16да түшкөнүн маалымдады. Жерине эки өрт өчүрүүчү унаа барып кечки саат 20:16да өрттү толугу менен өчүргөн.
ӨКМден билдиришкендей, өрттүн кесепетинен бир контейнер күйгөн. Жабыркагандар жок.
Учурда өрттүн келип чыгуу себептери такталып жатат.