Андан соң кичинекей күйөрманы менен футболчу өзү кезигип, футболка менен топ белек кылган. Көрсө, муну радикалдар көңүл сыртында калтырбаптыр.
Учурда анын үй-бүлөсү коркунучка кептелип жатат. Негизи эле этникалык хазарларды талибандар кысымга алып келет. Эми жети жашар Муртаза Ахмади аларга бута болуп калды. Мунун айынан үй-бүлө жер которуп көчүп-конуп жүрөт.
Ушул жылдын башында Sputnik Афганистан анын үй-бүлөсү Жагури (Афганистан) уездинен кетип, Пакистанда жашап жүргөнүн жазган. Кийин сегиз балалуу үй-бүлө бөтөн аймакта жашай албай, кайра туулган жерине көчүп келген.
Учурда анын атасы Мохаммад Ареф балдары мектепке бара албай жатканына тынчсызданууда.