Украинада "Блок Петра Порошенко" фракциясынын депутаты Олег Барна менен фракциядан тышкаркы депутат Юрий Левченко парламенттик каналдын түз эфиринде мушташа кеткенин РИА Новости жазып чыкты.
Окуянын видеосу YouTube каналына жарыяланган.
Чыр Барнанын Донбасстагы операцияга катышпаган депутаттар аскердик абал жана өлкө бюджети тууралуу ооз ача албайт деген билдирүүсүнөн кийин чыккан.
Левченко өз кезегинде Барнаны "олигархаттын куйругу" деп атап, "мас болуп трамвайды сүзгөн кишинин деңгээлин көрсөткөнүн" белгилеген.
Айтышуудан кийин "Блок Петра Порошенко" фракциясынын депутаты атаандашын бир уруп, андан кийин жерге көтөрүп чаап, студиядан чыгып кеткен.