БИШКЕК, 28-ноя. — Sputnik. Чыңгыз Айтматов атындагы Кино үйүндө мамлекеттик кызматкерлер үчүн режиссер Бакыт Карагуловдун "Айтматов ааламы" аттуу тасмасы көрсөтүлө турганын Кинематографияны колдоо фондусу билдирди.
Маалыматка ылайык, иш-чара 30-ноябрда болот, ал улуу жазуучунун 90 жылдыгын белгилөөнүн алкагында өтүүдө.
"27-октябрь күнү ушул мааракенин алкагында мүмкүнчүлүгү чектелген балдар үчүн Андрей Кончаловскийдин "Биринчи мугалим" тасмасы көрсөтүлгөн", — деп айтылат билдирүүдө.
Ал эми 4-декабрда Кино үйүндө СССР эл артисти Муратбек Рыскуловдун 110, КР Эл артисти Сабира Күмүшалиеванын 100 жана Искендер Рыскуловдун 60 жылдыгына арналган иш-чара өтүп, Төлөмүш Океевдин "Бакайдын жайыты" тасмасы тартууланмакчы.